Serok Barzanî û wezîrê navxwe yê Îraqê civiyan

Îro Serok Barzanî li nivîsîngeha xwe ya li Pîrmamê pêşwaziya wezîrê navxwe yê Îraqê Osman Ganimî û şandeke pê re kir.

Di civînê de behsa rewşa ewlekarî ya Îraqê bi giştî û ya deverên Kurdistanî yên derveya îdareya Kurdistanê hate kirin û her du alî tekez li ser hemahengî û karên hevbeş di warê ewlekarî û asayîşê de bi taybetî li deverên Kurdistanî yên derveya îdareya Kurdistanê kirin.

Tê zanîn wezîrê navxwe yê Îraqê îro serdana Hewlêrê kiriye û li gel wezîrê navxwe û Serokê herêma Kurdistanê civiya û pişt re jî li gel Serok Barzanî civiya.

N: E. G