Gundê Binkê ji aliyê Tirkiyeyê ve hate bordiman kirin

Li gor zaniyariyên berdest, duhê bi şev artêşa Tirkiyeyê bi kopterên Kobra û topxaneyên xwe gundê Binkê ya li Heftenînê topbaran kir.

Hate zanîn ku di encama topbaranê de agir bi bax, rez, daristan û goristana gundê ketiye.

Zêdetir ji mehekê ye ku artêşa Tirkiyeyê li Heftenînê dest bi operasiyonek li dijî PKKê kiriye û di çarçoveya operasiyonê de gund û navçeyên curbicur li deverê bordiman û topbaran dike.

Duhê jî endamê konseya Serokatiya PKKê Murad Qereyilan diyar kiribû ku heta niha 20 gerîla canê xwe ji dest dane û 236 leşkerên Tirkiyeyê jî hatine kuştin.

N: E. G