Duhê bi şev Serokwezîrê Kurdistanê Mesrûr Barzanî pêşwaziya wezîrê derve yê Îranê Mihemed Cewad Zerîf kir.
Di civînê de ku balyozê Îranê yê li Bexdayê û Serkonsulusên Îranê yên li Hewlêrê û Silêmanî têde beşdar bûn, Mesrûr Barzanî û Cewad Zerîf behsa pirs û mijarên navbera Hewlêr û Bexdayê kirin.
Di berdewamiya civînê de her du alî derbarê têkiliyên navbera Îran û Kurdistanê de û çawetiya bihêztir kirina têkiliyên han nîqaşkirin û tekez li ser hemahengiya zêdetir ya di navbera her du aliyan bo rûbirû bûna Koronayê hate kirin.
Di beşeke din ya civînê de Barzanî û Zerîf behsa rewşa giştî ya Îraq û deverê kir û her du alî li ser çareser kirina kêşeyên navbera Hewlêrê û Bexdayê li ser esasê destûra bingehîn hemfikir bûn û tekez kirin ku çareseriyeke wiha li gor berejwendiya tevahiya welatiyên Îraqê ye.
N: E. G
komênte (0)
heta niha komênt nehatiye nivîsandin