Welatiyeke din bi Koronayê ketiye

Wezareta tendirostî ya hikûmeta herêma Kurdistanê ragihand ku welatiyeke din bi vîrosa Koronayê ketiye.

Di daxuyaniya wezaretê de behsa vê yekê hatiye kirin ku hijmara wan kesên ku di qerentîneyê de bûn 3015 kes bûye, lê beşeke zêde ji wan hatine dermankirin û rewşa wan ya tendirostî baş bûye û wegeriyane malên xwe niha tenê 1014 welatî di qerentîneyê de mane.

Di berdewamiya daxuyaniyê de behsa vê yekê hatiye kirin ku di nava 24 seatên derbasbûyî de cerbandinên nûjdariyê bo 49 kes hatine kirin û derket ku yek ji wan welatiyan bi vîrosê ketiye.

N: E. G