Serokê Herêma Kurdistanê Nêçîrvan Barzanî bersiva Sekreterê Giştî yê Hizbullaha Lubnanî da û ragehand, Nesralla dûr ji şêwaz û ehlaqê sîyasî , bi awayeke nehejê beraneber bi Serok Barzanî û qurbanîdan û qehremanîya Pêşmerge axiviye.
Îro roja duşemê 13. 01.2020an Nêçîrvan Barzanî bi daxuyaniyekê ragihand: “Emîndarê Giştî yê Hizbullaha Lubnanê Hesen Nesralla di gotarekê de, dûr ji şêwaz û exlaqa sîyasî, bi awayeka nehejî derheqê Serok Mesûd Baraznî û qurbanîdan û qehremanîya Pêşmerge axiviye. Cihê daxê ye keseke wek birêz Nesralla bê li berçavgirtina rola dîrokî ya Serok Barzanî li berengarbûna rijêmên diktator û rola meydaniya wî di têkşikandina DIŞIê dem bi vî awayî hestê gelê Kurdistanê birîndar bike.”
Herwiha Nêçîrvan Barzanî di berdewamiya xwe jî da zanîn:”Serok Barzanî tevaya temenê xwe di berengarbûna zorê û zordaran de û ji bo azadîya gelê xwe bexşiye. Di şerê berngabûna DIŞIê jî de, wek fermandeyê hêza Pêşmerge bi awayeka rasterast a meydanî û li gel hêza Pêşmerge di çeperê de roleke qehremanane lîstiye ku hemû gelê Kurdistanê û piranîya serkirdeyên cîhanê azayî û qehremanîya Pêşmerge û cenabê Serokî şahidî dan.”
Di berdewamiyê jî da Nêçîrvan Barzanî ragihand: “Gelê Kurdistanê û Pêşmerge zêdetir ji 100 sal e, berengarî mezintirîn û hovanetirîn hêrişên qirkirinê bûye, di şerê DIŞIê de jî Herêma Kurdistanê parastin û pişikdarbûn li parastin û rizgarkirina gelek cihên din yên Iraqê. Îro jî parastina aştî, bi hev re jîyanê û berengarbûna terorê, bi erkê xwe yê herî pêşîn dibînin di demekê de ku rewşa herêmê weha dixwaze em hemû kar bo aramkirin û vegerandina penaberan bikin.
komênte (0)
heta niha komênt nehatiye nivîsandin