Xamneyî: Amerîka êrîşî ser Îran nake

Rêberê şoreşa Îranê Elî Xamneyê di civîneke xwe ya li gel Fermandarê leşkerî yên Îranê de diyar kiriye ku Amerîka bi ti awayî êrîşeke leşkerî li dijî Îranê lidar naxe.

Xamneyê diyar kiriye ku Amerîka naxwaze li dijî Îranê dest bi şereke giran ya leşkerî bike lê dixwaze di warê abûrî de şer li gel Îranê bike lewre lazime xelkê Îranê jî serî li hember gef û êrîşên abûrî yên Amerîkayê netewîne û berxwedana xwe bidomîne.

Xamneyî herwiha eşkere kiriye ku Îran jî naxwaze şer bike lêbelê eger êrîş were kirin vê gelê Îranê ber xwe bide û heta dorpêçên abûrî yên li ser Îranê bidomin Îran li gel Amerîkayê danûstandinan nake.