Nêçîrvan Barzanî: Amerîka wê di pêşerojê de jî bi Kurdistanê re hevkar be

Li paytexta Kurdistanê li Hewlêrê bi beşdariya Serokwezîr Nêçîrvan Barzanî û balyozê  Amerîkayê yê li Iraqê Douglas Silliman avahiya Konsulusxaneya nû ya Amerîkayê hate avakirin.

Di avakirina konsulusxaneya Amerîkayê de Serokwezîrê Kurdistanê Nêçîrvan Barzanî axivî û got ku “Îro avahiyeke mezintir ji bo konsola Amerîkayê li vir ava dibe. Ev îşaretê dide ku Kurdistan ji bo Amerîkayê çi qasî girîng e û di pêşerojê de pêwendiyên Amerîka û Kurdistanê wê berfirehtir bidomin. Em vê gavê pir girîng dibînin.”

Barzanî wiha berdewam kir: Em dixwazin bi Amerîkayê re ji aliyê siyasî, aborî, çandî, zanistî û ticarî ve pêwendiyên xwe zêdetir bikin. Em dixwazin bi Amerîkayê re nêrîneke nû ava bikin.