Trump: Toleyên dijî Koreya Bakur nayên rakirin

Serokê Amerîka Donald Trump bi rêya Twitterê ragihand ku bi heyecan li benda hevdîtina bi Serokê Koreya Bakur Kim Jong-un re ye.

Kim Jong un, bi awayekî nepêşbînîkirî serdana Çînê kiribû û li ber e ku ew û Trump di meha Gulanê de kom bibin.

Trump diyar kiriye ku ew ji Serokê Çînê Şi Jinping hîn bûye ku hevdîtina wî û Kim Jong-un baş derbas bûye û ew jî ‘’bi heyecaneke mezin’’ li bendê encamên hevdîtina wan e.

Trump careke din bi bîr xist ku ew toleyên dijî Pyongyangê ranakin.

Trump diyar kiribû ku ser daxwaza Kim Jong-un ew dê di demeke kin de bicivin.