Sendîkaya Pizîşkên Kurdistanê: Em beşdarî xwepêşandanê nabin

Sendîkaya Pizîşkên Kurdistanê, di daxuyaniyekê de aşkere kir, ku ew tevlî xwepêşandanên nerazîbûnê nabin.

Di daxuyaniya sendîkayê de tê gotin: “Hikûmeta Herêma Kurdistanê bersiva nerazêtiyan daye, jiber wê yekê ew radigehînin  ku îro Çarşemê tu xwepêşandanek nabe.”

Sendîkaya Pizîşkên Kurditsanê herwiha dibêje: “Bi hestkirin  bi berpirsatiyê û riftakirin weke saziyeke yasayî li Herêma Kurdistanê, ew pizîşkan piştrast dikin ku daxwaz û nerazîtiyên wan cihê xwe girt û li gorî bersiva Hikûmetê, wê pirraniya pirsgirêkên mûçeyîn wan bêne çareserkirin.”

Sendîkaya Pizîşkên Kurdistanê berê ragihandibû ku ew piştevaniya daxwazên mamosta û karmendên tendirûstiyê dikin û dê tevlî xwepêşandana bibin.

Ew çend roj bûn, ku ji ber rewşa xirab a darayî û li dijî sîstema kêmkirina mûçeyan, beşek ji mamosta, fermanber û kadroyên pizîşkî yên nexweşxaneyan xwepêşandanên nerazîbûnê li bajarên Herêma Kurdistanê birêve dibirin.