Navenda Nûçeyan - Bihayê bermîla pêtrola brent ji ber bûyerên ku li Îranê diqewimîn û biryara Rêxistina Welatên Pêtrolê Hinarde Dikin (OPEC) ya ji bo kêmderxistina pêtrolê gihîşte 68,11 dolarî.
Duh bermîla petrola Brentê bi 66,51 dolarî dest bi rojê kiribû û di nav rojê da derketibû 67,92 dolarî.
Îro danê sibê jî bi 67,85 dolarî dest bi rojê kir û ji saet 09.25an pê ve ji sedî 0,38 zêde bû û derkete 68,11 dolarî.
Di heman demê de li Teksasa Rojava bermîla petrola xam bi 62,12 dolarî hat firotin.
Pispor dibêjin ji ber bûyerên ku li Îranê diqewimîn û biryara kêmderxistina pêtrolê ya OPECê ya di pêşîkêşiya Rûsyayê de bihayê pêtrolê zêde dibe, daneyên aboriyê yên ku ji Amerîka, Almanya û Japonyayê hatin jî rewşeke erênî li ser bihayê pêtrolê çêkirin û biha dîsa zêde bû.
Bi vî awayî ji 13ê Gulana 2015an vir ve bihayê warêla pêtrola brent derkete asta herî zêde.
komênte (0)
heta niha komênt nehatiye nivîsandin