Sefîn Dizeyî: Em pêşwaziya her pêngaveke erênî dikin

Berdevkê hikûmetê dibêje bo danûstandinan pêşwaziya her pêngaveke erênî dikin.

Berdevkê hikûmeta Kurdistanê diyar kir ku hikûmeta Kurdistanê pêşwazî li her pêngavek erênî bo giftûgoyên çareseriya pirsgirêkên navbera Kurdistanê û hikûmeta Iraqê yên ser bingehê destûrê dike.

Berdevkê hikûmeta Kurdistanê Sefîn Dizeyî got:  Encûmena wezîran a herêma Kurdistanê di civîna xwe ya dawî de teqezî li ser helwêsta xwe kiriye, ku amadeye bo çareseriya hemû pirsgirêk li ser bingehê destûra Iraqê, li hikûmeta federal û dest bi giftûgo bike û hikûmeta herêma Kurdistanê pêşwazî Ii her pêngavekê dike, ku rê ji bo destpêkirina guftûgo di navbera hikûmeta herêma Kurdistanê û hikûmeta federal a Iraqê de xweş bike.’’

Sefîn Dizeyî diyar kir ku her di vê çarçoveyê de hikûmeta herêma Kurdistanê pêşwazî li wan amaje û pêngavane dike ku heftiya borî li Bexda derketin û bi awayek niyetek paqij hate xwandin û wek serdana şandeke hikûmeta Iraq bo herêma Kurdistanê û daxwaza pêkanîna lijneyek hevbeş bo guftûgo derbarê deriyên sînor, balefirgeh, bendavên herêma Kurdistanê û daxwaza lîsteya mûçexwarên wezareta tenduristî û perwerdê ya herêma Kurdistanê, ji aliyê hikûmeta Iraqê ya federal ve bi armanca rêkirina mûçeyan, gavên erênî bûn.’’

Dizeyî derbarê vekirina deriyên sînorê herêma Kurdistanê li gel Îranê jî got: ‘’Hikûmeta herêma Kurdistanê ji wan pêngavan keyfxweşe û bi pêzanîn ve pêşwazî lê dike. Herwaha amadeye li ser pirsgirêka rêveberina deriyên sînor û balefirgehan li gel hikûmeta Iraqê guftûgo bike û li gor mekanîzmayên destûra Iraqê diyar kirî, alîkarî û hemahengî li gel Bexda bike, ku çareseriyek hevbeş a di berjewendiya her du aliyan de ava bike.’’