Serok Barzanî: Ti kes nikare îradeya gelê Kurdistanê bo serxwebûnê bişkêne

Serok Barzanî li gel şandeke partiya zehmetkêşan civiya.

Serok Barzanî di hevdîtina şanda Partiya Zehmetkêşan ya Kurdistanê de behsa rola niştimanî ya wê partiyê li hember referandoma serxwebûna Kurdistanê kiriye û spasiya wê partiyê kiriye.

Serok Barzanî her wiha daye xuyakirin ku referandom mafekî rewa û demokratîk yê gelê Kurdistanê bûye û gotiye, ti kes û hêzek nikare îradeya gelê Kurdistanê bo serxwebûnê bişkêne.

Serok Barzanî li ser aloziyên navbera Hewlêr û Bexdayê jî ragihandiye ku ew piştgiriya çareserkirina arîşeyan bi awayekî aştiyane dike ne bi zora çek û sepandina hêzê.