Li sê parçeyên Kurdistanê hin dever bi berfê hatin spî kirin

Rêya hinek gund û deveran hatiye girtin.

Li deverên sînorî yên Başûr, Bakûr û Rojhilatê Kurdistanê berf barî, li hinek cihan zêdetirî 20 santîm bariye.

Derengiya şeva borî li tevahiya bajar, gund û deverên sînorî yên Başûr, Bakûr û Rojhilatê Kurdistanê berf barî.

Li gorî agahiyan, li hinek deveran heta niha jî berf dibare û asta berfê ji 30 santîman derbas bûye.

Çavkaniyekî ji devera sînorî ya Kotolê, ku dikeve ser sînorê Bakûr û Rojhilatê Kurdistanê diyar kir ku şeva borî hem li aliyê Bakûr hem li aliyê Rojhilat berfek giran barî û heta niha jî dibare.

Wî jêderî da zanîn ku rêya hinek gund û deveran hatine girtin lê tê pêşbînîkirin di demek kurt de bê vekirin.