Serokwezîrê Herêma Kurdistanê Nêçîrvan Barzanî ragihand, welatiyên ku ji ber erdhejê ziyan dîtine dê bên qerebûkirin.
Serokwezîr Nêçîrvan Barzanî îro çû bajarokê Derbendîxanê yê Silêmaniyê û rewşa mexdûrên erdheja pêr bi şev ji nêzîk de şopand. Cîgirê serokwezîr, Qubad Talebanî û Wezîrê Navxwe Kerîm Sincarî û Wezîrê Perwerdê Piştîvan Sadiq jî bi Nêçîrvan Barzanî re bûn.
Nêçîrvan Barzanî piştî ku ew cihên ku ji ber erdhejê ziyan dîtibûn, dît, civîneke rojnamevaniyê li dar xist û ragihand, hikûmeta Kurdistanê dê welatiyên ku di erdhejê de mexdûr bûne, qerebû bike.
Li ser bendava Derbendîxanê jî Nêçîrvan Barzanî got, metirsiya teqîna bendavê nîne lê me biryar e komek pisporên Ewropî bên û rewşa bendavê binirxînin.
Serokwezîrê Herêma Kurdistanê behsa erdheja Kirmaşanê jî kir û hevxemiya xwe bo malbatên qurbaniyan anî ziman.
komênte (0)
heta niha komênt nehatiye nivîsandin