Di civînê de 4 biryarên girîng hatin dayîn.
Îro bi Serokatiya Serokê Kurdistanê Mesûd Barzanî civata bilind ya siyasiya Kurdistanê civiya û piştî bi dawî hatina civînê jî daxuyaniyek derbarê naveroka civînê de hate weşandin.
Di daxuyaniya han de hatiye nivîsandin ku: Di destpêka civînê de beşdar bûyên civînê deqîqeyek bo canê paqêjê mam Celal û şehîdên rêya azadiyê li ser piyan rawestan û tekez li ser vê yekê jî kirin ku baştirîn wefa bo rihê mam Celal û tevahiya şehîdên Kurdistanê yekrêzî, biratî û yekhelwestiya hêzên û aliyên siyasî yên Kurdistanê ye.
Pişt re bi awayekî berfire pêşhat û guhertinên dawî yên siyasî û kawedanên navnetewî û herêmî yên li hember referanduma serxwebûna Kurdistanê hatin nîqaşkirin û civîn gehêşte ew encamên han.
Yek: Civat vê pêbendî îradeya gelê Kurdistanê be ku bi rêya beşdarî kirin di dengdana referanduma 25ê Îlonê de bi azadane diyar kiriye. Herwiha cîhbicîh kirina encamên referandumê di warê derfetî û demî de gêrêdayî diyalogeke avakere, jiber vê çendê civat amadebûna xwe bo destpê kirina diyalogeke vekirî û bêmerc û bêyî ceza kirin û gemaro xistine ser li gel Bexdayê diyar kiriye.
Du: Sepandina ceza bi ser gelê Kurdistanê karekî naberpirsiyarane û derqanûniye û aloztir kirina rewşa siyasî di berejwendiya ti aliyekî de nine.
Sê: Civat bi raya giştî ya cîhan û hevpeymanan radigehîne ku gelê Kurdistanê rastî ceza kirina bi komî, gemarodan û bikar anîna hêz hatiye û ew rewşa han vê rewşa koçber û penaberan li Îraq û Kurdistanê aloztir bike lewre daxwaz tê kirin daku sînorek bo zêdegaviyên han û ceza kirina bi komî were danîn.
Çar: Biryar hate dayîn daku civînên part û aliyên siyasî yên Kurdistanê bi navê civata bilind ya siyasiya Kurdistanê bidome.
Civata bilind ya siyasiya Kurdistanê
komênte (0)
heta niha komênt nehatiye nivîsandin