Elawî: Ev pirsgirêka Iraqê ye divê welatên din mudaxale nekin

Elawî dibêje em naxwazin ti welateke cîran derbarê kêşeyên navxweyî yên Îraqê de ti hewlek bide.

Cîgirê Serokomarê Iraqê Îyad Elawî ragihand ku pêwîst e Bexda biryara dorpêçên ser Kurdistanê ku piştî referanduma serxwebûnê standibûn rake û pirsgirêk bi dîyalogê werin çareserkirin.

Elawî herwiha diyar kir ku ew kêşe û aloziyên ku niha di navbera Hewlêr û Bexdayê de hene, kêşeyên navxweyî yên Îraqêne û lazime aliyên siyasî bi rêya diyalogê ew kêşeyên han çareser bikin û nabe rê bi ti welateke din were dayîn ku derbarê wan kêşeyan de ti hewlek bide û destwerdaniya karûbarên navxweyî yên Îraqê de bike.