Coşa Kurdistaniyan bû sedema tirseke mezin.
Dohê li başûrê Kurdistanê referanduma serxwebûna hate lidarxistin û prosesa dengdanê jî bi awayekî serkeftî û selamet bi dawî hat.
Li gel destpê kirina prosesa dengdanê li başûrê Kurdistanê, li ser beşên din yên Kurdistanê bi taybetî li Rojhilat û Rojavayê Kurdistanê, Kurdistanî bi coşeke mezin û bi hestên netewî piştgîriya xwe bo serxwebûna Kurdistanê diyar kirin.
Di vê çarçoveyê de dohê li piraniya bajarên Rojhilatê Kurdistanê weke Sine, Bane, Mehabad, Merîwan, Serdeşt û Seqiz Kurdistanî daketin qadan û bi xwendina marşa netewî ya Kurdistanê û dabeş kirina şîrînî piştgîriya xwe bo serxwebûna Kurdistanê diyar kirin.
Li Rojavayê Kurdistanê jî dîsan bi heman awayî Kurdistanî li bajarên weke Qamîşlo daketin qadan û bi bilind kirina ala Kurdistanê û girtina govendên curbicur piştgîriya xwe diyar kirin.
Li Bakûrê Kurdistanê jî bi taybetî li bajarê Amedê bi heman awayî aheng û çalakiyên curbicur hatin lidarxistin û herwiha hijmareke zêde ji Kurdên Bakûrê Kurdistanê jî serdana Hewlêrê kiribûn daku bi awayekî raste rast û bi çavên xwe ew roja dîrokî bibînin.
komênte (0)
heta niha komênt nehatiye nivîsandin