Artêşa Îranê dubare dest bi topbaranê kir

Artêşa Îranê dubare dest bi topbaran kirina deverên sînorî yên Kurdistanê kir.

Îro artêşa Îranê careke din quntarên çiyayê Helgord û derdorê topbaran kir.

Li gor jêderên herêmî di çarçoveya ew tetbîqata leşkerî yaku hêzên çekdar yên Îranê li Merîwan û Şino ya li Rojhilatê Kurdistanê û li ser sînorê Başûrê Kurdistanê de dane destpêkirin, îro artêşa Îranê ji aliyê bajarê Şino ve dest kiriye bi topbaran kirina deverên sînorî yên li Başûrê Kurdistanê.

Jêderên herêmî diyar kirin ku topbaran ji seat 9ê sibê destpê kiriye û bi qasî çend seatan dom kiriye.