Nêçîrvan Barzanî: Referandum di dema xwe de tê lidar xistin

Serokwezîrê Kurdistanê dibêje ti biryarek bo paş xistina referandumê tuneye.

Serokwezîrê Kurdistanê Nêçîrvan Barzanî ji ajansa nûçeyan ya Rûsiyayê re gotiye: Ti biryarek bo paş xistina referanduma serxwebûnê tuneye û referandum jî di dema xwe ya diyar kirî de tê lidar xistin.

Serokwezîrê Kurdistanê Nêçîrvan Barzanî herwiha eşkere kiriye ku civata bilind ya referandumê hatiye damezrandin û erkê vê civatê jî organîze kirina prosesa referandumê ye.

Nêçîrvan Barzanî herwiha diyar kiriye ku helwesta Amerîkayê ya li hember referandumê beriya niha jî diyar bû û serdana Breet McGurk jî bo vê yekê bû ku dubare ew helwesta berê ya Amerîkayê diyar bike û bêje dem bo lidar xistina referandumê ne goncave lêbelê me ji wan re got ku ew dema han baştirîn deme bo lidarxistina referandumê.