ڤێرێ سته‌نبولێ یه نه قسته‌نتینیه یه ئه‌ڤه سلوگانێن لایه‌نگرێن پارتا دادوگه‌شه‌پێدان بوون ل سته‌نبولێ وه‌ك كارڤه‌دانه‌ك بو نه چوونا وه‌زیرێ ده‌رڤه یێ ویلایه‌تێن ئێكگتریێن ئه‌مه‌ریكا بو ئه‌نقه‌ره,
مارك پومپیو وه‌زیرێ ده‌رڤه یێ ویلایه‌تێن ئێكگرتی دبه‌رنامێ سه‌ره‌دانێن خوه‌دا بو حه‌فت وه‌لاتاندا , سه‌ره‌دانا وه‌لاتێ توركیا كر و ل باژارێ سته‌نبولێ ژ فروكێ هاته خوارێ و ئاماده‌نه بوو بچیته باژێرێ ئه‌نقه‌ره كۆ پایته‌ختێ توركیایه بو دیتنا به‌رپرس و كه‌سایه‌تیێن سیاسی و دبلوماسی و هه‌ڤكارێ خوه مولود چاوش ئوغلو كو وه‌زیرێ ده‌رڤه‌یێ توركیایه لدیڤ پروتۆكۆلێن نێڤ ده‌وله‌تی وعورفێ دبلوماسی یێ دناڤبه‌را هه‌ردوو وه‌ڵاتاندا,
سه‌ره‌دانا به‌تریركێ مه‌سكونی بناڤێ برتلماوسێ ئێكێ كۆ دبیته سه‌رۆكێ رووحی یێ كه‌نیسه‌یا ئه‌رسوزكی یا یونانی ل سته‌نبولێ و
سه‌ره‌دانا مزگه‌ڤتا رۆسته‌م پاشا كر وه‌ك پشته‌ڤانییه‌ك بو به‌رده‌وامی دانا پێكڤه‌ژیانا ئاینی ل توركیا تایبه‌ت پشتی ڤه‌كرنا مزگه‌ڤتا ئایاسوڤیا ل سته‌نبولێ ل سالا پار ژ كه‌نیسێ بو موزه‌خانێ و پاشی وه‌ك مزگه‌ڤت هاته ڤه‌كرن و هه‌ستێ تێك چوونا پێكڤه ژیانا ئاینی ل توركیا هه‌بوو وه‌ك تێكچونا پێكڤه‌ژیانا نه‌ته‌وه‌ی.
بارودۆخێ توركیا تێدا ده‌ربازدبیتن
پشتی یه‌كگرتنا هه‌ردوو پارتێن ده‌ستهه‌لاتدار ل توركیا پارتا داد وگه‌شه‌پێدان و پارتا بزاڤا نه‌ژادپه‌رستی ب سه‌رۆكایه‌تیا باخچه‌لی سیاسه‌تا ده‌وله‌تا توركیا یا ناڤخوی و ده‌ره‌كی گه‌له‌ك گهورین بسه‌رداهاتن
ل ناڤخوی دا كه‌ته شه‌ره‌كێ كیر و به‌رده‌وام و بێ دوماهی كو شه‌رێ قركرنا كوردان و تێكدانا پێڤاژویا ئاشتیێ و زیندانكرنا سه‌دان سیاسه‌تمه‌دار وچالاكڤانێن سیاسی و مه‌ده‌نی و بو ئه‌گه‌رێ تێكدانا شیرازا ده‌وله‌تا توركیا , هه‌روه‌سا د سیاسه‌تا ژ ده‌رڤه دا ده‌ست ب سیاسه‌تا دژی ناتو و ویلایه‌تێن ئێكگرتی كر تایبه‌ت لێكنێزیكرنا توركیا و رووسیا و كرینا سیسته‌مێ دژه فرینێ س٤٠٠ژ رووسیا , هێرشكرن لسه‌ر رۆژئاڤا و چونا هێزێن توركیا بو لیبیا و پشته‌ڤانیكرنا هێزێن ئازربێجان بو ستاندنا كاراباخ و ده‌ست ب لێگه‌ریانا گازا سرۆشتی ل رۆژهه‌لاتێ ده‌ریا ناڤه‌راستدا ,
ئه‌ڤ هه‌می پاكێچه بونه ئه‌گه‌رێ تێكچوونا په‌یوه‌ندیێن توركیا دگه‌ل ئێكه‌تیا ئه‌وروپی تایبه‌ت فه‌ره‌نسا .
ئه‌ڤان پاكێچا كارتێكرنه‌كا نه‌رێنی كریه سه‌ر ئابورێ توركیا و لیرێ توركیا نزمترین ئاست به‌رامبه‌ر دولاری توماركریه و رێژا بێ كاریێ بلندبویه و د په‌یوه‌ندیێن دبلوماسی دا د قه‌یرانێ دا ده‌ربازدبیتن و هه‌تا ژماره‌كا زۆر یا دامه‌زرێنه‌رێن پارتا داد وگه‌شه‌پێدان ده‌ست ژ وێ پارتێ كێشایه و دوو پارتێن نوی دامه‌زراندینه ل دژی پارتا ده‌ستهه‌لاتدار و
د هه‌لبژارتنێن شاره‌وانیاندا دوو مه‌زنترین باژێر ژ ده‌ست دان ئه‌وژی سته‌نبول و ئه‌نقه‌ره ژلایێ پارتا كلجدارئوغلو یا ئۆپوسسیونی ڤه ب پشته‌ڤانیا كوردان سه‌ركه‌فتن مسوگه‌ر كر
.
گرنگترین ئاماژێن ڤێ سه‌ره‌دانێ
ئاماژێن نه چوونا پومپه‌یوی بو پایته‌ختێ توركیا زۆرن و گرنگترگن ئاماژه ب نێرینا مه هوسا ئه‌م دبینین هه‌وله‌كا نێڤ ده‌وله‌تی و ناڤخوی هه‌یه بو لادانا پارتا دادوگه‌شه‌پێدان و سه‌رۆك كومارێ توركیا ره‌جه‌ب ته‌یب ئه‌ردوگانی كۆ ئه‌ڤ هه‌وڵا دژه ئه‌ردوغانی ب سه‌ركێشیا كابینا نوی یا ویلایه‌تێن ئێكگرتی و ب سه‌رۆكایه‌تیا جوبایدنی و ب هه‌ڤكاریا هه‌ڤالبه‌ندێن خوه یێن ئه‌وروپی تایبه‌ت فه‌ره‌نسا و ده‌وله‌تێن كه‌نداڤی مینا سعودیا و ئیماراتێ ,برێكا پشته‌ڤانیكرنا ئوپوسسیونا توركیا ب هه‌لبژارتنێن مه‌ده‌نیانه كۆ ئه‌ڤه وێ ئێكێ رادگه‌هینیت ئه‌مریكا و هه‌ڤپه‌یمانێت وێ ل دژی سیاسه‌تا تاك ره‌وی ویا ب ناڤ ئاینی یا سه‌رۆك كومارێ توركیایه نه‌كو ل دژی گه‌لێ توركیا و ئه‌ڤ كاره درێدایه و ئه‌نجام دێ مینیت بو روویدانێت بهێتن یێن ل سیاسه‌تا جیهانی و هه‌رێمی و ره‌نگڤه‌دانا وان بو سه‌ر بارودوخێ ناڤخوی یێ توركیا و لێ زڤرین دسیاسه‌تا ئه‌ردوغانیستی دا بهێته كرن و لێ زڤرین ژی باوه‌رناكه‌م بهێته روویدان د ده‌مێ نوكه‌دا ئه‌ردوغان بویه كارێزمایه‌ك د ناڤ گه‌لێ توركیادا و شكاندنا وی زه‌حمه‌ته .
مارک پومپێیو ناهێم ئه‌نقه‌ره!!!
گرنگترین ئاماژێن ڤێ سه‌ره‌دانێ
100%
