جیهان بشێوه‌كێ گشتی و رۆژهه‌لاتا ناڤین ب تایبه‌تی پشتی بهارا عه‌ره‌بی و هاتنا خه‌لافه‌تا داعشا تیرۆریست به‌ره‌ڤ گهورینێن سیاسی و فڕه جه‌مسه‌ری و جیوپولیتكی ڤه چویه ,كو ڤه‌رێژا ڤان هه‌می ئاریشه‌و هاوكێشێن د رۆژه‌ڤێ دا بێ گومان بهێزكرن و مسوگه‌ركرنا پاشه‌رۆژا ئابوره‌كێ بهێزه دا ده‌وله‌تێن زلهێز بمینن خودان بریارێن سیاسی و كارتێكه‌ر برێكا سه‌پاندنا سزایێن ئابوری و قورخكرنا بازارێ نیڤ ده‌وله‌تی د هه‌ر پێشهاته‌كێ دا.
هه‌رێما كوردستانێ بێ به‌هر نه‌بویه ژ وان روویدانێن مه به حسكرین چ ده‌ركه‌فتنا جه‌ندین هێزێن سیاسی یێن نوی وه‌ك پارت دناڤ هه‌رێما كوردستانێ دا كو زۆر كارتێكرن كریه سه‌ر دیتنا خه‌لكی بو ده‌ستهه‌لاتا كوردی و پاشه‌رۆژا كوردان، هه‌روه‌سا هێرشێن تیرۆریستێن داعش بو سه‌ر هه‌رێما كوردستانێ ب شێوه‌كێ درندانه هه‌رێما كوردستانێ توشی گه‌له‌ك ئاسته‌نگێن هه‌رێمی و ناڤخوی هاته كرن چ ژلایێ چه‌ك و ته‌قه‌مه‌نیان بیت یان ژلایێ لاوازبونا ئابوری ڤه كو هه‌رێما كوردستانێ خودان ئابوره‌كێ سنورداره هه‌روه‌سا ژ ئه‌گه‌رێ هێرشێن هوڤانه یێن داعش بو سه‌ر عێراق و سوریێ كو نێزیكی دووملیون په‌نابه‌ر ل باوه‌شا هه‌رێما كوردستانێ ئاكنجیبون .
ڤایروسێ كرونا بشێوه‌كێ گشتی كارتێكرن ل ژین وژیانا خه‌لكێ جیهانێ كریه و هه‌رێما كوردستانێ ژ وێ پێلا ره ش و ته‌حل بێ به‌هر نه‌بویه ,
هه‌روه‌سا هێرشێن توركیا بو سه‌ر ناڤچێن هه‌رێما كوردستانێ ب هێجه‌تا ژناڤبرنا هێزێن په‌كه‌كێ كارتێكرن كریه سه‌ر ژیارا خه‌لكێ ده‌ڤه‌رێ تایبه‌ت گوندێن سه‌ر سنوران ژ ئه‌گه‌رێ نه ئارامیێ به‌ره‌ڤ باژێران مال و بیستان و ته‌رشێ خوه بجهێلایه .
هه‌رێما كوردستانێ وه‌ك به شه‌ك ژ جوگرافیا ڕۆژهه‌لاتا ناڤین ده‌ور د راگرتنا به‌لانسا سیاسی و دبلوماسی دا هه‌یه ناڤبه‌را هێزێن هه‌رێمی و نیڤ ده‌وله‌تی دا .
دبلوماسێ كورد)نێچیرڤان بارزانی( به‌رپرس و سیاسه‌تمه‌دار و چه‌كدارێن كورد فێركرن كو ئاریشا كوردا تنێ ب رێكا سیاسی و ئاشتیانه دهێنه چاره‌سه‌ركرن ونه برێكا چه‌كی
!!
كورد دبێژن )كۆر كڤانێ بابێ دكێشیت( ئه‌ڤ گوتنه گه‌له‌ك جهێ خودایه ئه‌گه‌ر ئه‌م لسه‌ر ڤان هه‌ردوو سه‌ركردێن كوڕ و باب بێژین:
نێچیرڤان بارزانی وه‌ك بابێ خوه ئیدریسێ جوانه‌مه‌رگ و هه‌رده‌م ساخ ددلێ هه‌ر كورده‌كێ نشتیمانپه‌روه‌ردا بویه كارێزمایه‌كێ بهێز بو ده‌ربازكرنا هه‌می پیلان و هێرشێن ناره‌وا یێن لسه‌ر كیانێ سیاسی یێ هه‌رێما كوردستانێ نه ك ب چه‌ك به‌لكو ب هێزا مێشكێ خو یا ڤه‌شارتی و نه‌رم و دووربین ،
بێ گومان هه‌رده‌ما قه‌یرانه‌ك یان سزادانه‌كا دبلوماسی دبیته هه‌ره‌شه لسه‌ر كیانێ سیاسی یێ هه‌رێمێ و ئاسایشا نه‌ته‌وی یا هه‌رێمێ هه‌می چاڤ چاڤه‌رێ هاڤێتنا ئێكه‌م پێنگاڤه یا سه‌روكێ هه‌رێمێ بو ڤه‌كرنا گرێك و راستكرنا ئاریشان , له‌وما ب دله‌كێ مه‌زن و ب هه‌ناسه‌یه‌كا كویر و سه‌ره‌كێ بڵند نێچیرڤان بارزانی وان گرێكان ب ساناهی و ب ریه‌كێ گه ش ڤه‌دكه‌ت و دلێ ملله‌تی گه ش و شاد دكه‌ت و پاراستنا كیانێ هه‌رێمێ و ژیانا خه‌لكێ خوه گه‌ره‌نتی دكه‌تن
,
ژوان كارێن ب مێشكێ خوه و سیاسه‌تا خو یا حه‌كیمانه خزمه‌تا ملله‌تێ
خوه ل هه‌ر چوار پارچێن كوردستانێ كرین و تایبه‌ت پارچا باشور و رۆژئاڤا و باكور وه‌ك ڤان میناكێن ل خوارێ!!
١/راگرتنا به‌لانسا هێزێ دناڤبه‌را هێزێن سیاسی ل هه‌رێمێ تایبه‌ت ناڤبه‌را ده‌ستهه‌لاتێ و ئوپزسیونێ و پێكئینانا كابینا حكومه‌تا هه‌رێمێ ده‌وره‌كێ سه‌ره‌كی یێ جه‌نابێ نێچیرڤان بارزانی بو. .
٢/راكرنا ئابلوقا سیاسی لسه‌ر هه‌رێمێ ل فروتنا ناڤچێن ناكوك پشتی روویدانا ١٦ ئوكتوبه‌رێ ب هه‌ڤكاریا دوستاكورد ده‌وله‌تا فه‌ره‌نسا هه‌روه‌سا ل چونا وی بو به‌غدا ل ٩/٢ سه‌ر داخازیا سه‌رۆكێ فه‌ره‌نسا به‌رێز ئیمانوێل ماكرون كو دوو كومبونێن جوودا جوودا دناڤبه‌را واندا هاتنه كرن ئه‌ڤه ژ پێگه‌هێ هێزا دبلوماسیا سه‌روكێ هه‌رێمێ یه د ناڤچێ دا و بو ئه‌گه‌رێ بهێزبونا هه‌رێمێ به‌رامبه‌ر حكومه‌تا مه‌ركه‌زی و یه‌كسه‌ر هاته داخازكرن ژلایێ سه‌رۆك كۆمارێ توركیاڤه .. .
٣/ئاڤه‌دانكرنا هه‌رێما كوردستانێ ژلایێ ژێرخانا بازرگانی و نیشته جێبونێ ڤه
٤/ بهێزكرنا په‌یوه‌ندیێن سیاسی و بازرگانی یێن هه‌رێمێ دگه‌ل ده‌وله‌تێن هه‌رێمی و نیڤده‌وله‌تی
٥/رێخوشكرن و باوه‌ری پێ ئینان بو ڤه‌كرنا پتری ٢٠ قونسلخانه و نڤێسینگه‌هێن هه‌رێمی و نیڤده‌وله‌تی ل هه‌رێمێ.
٦/ گرنگیدان ب خواندن و زانستێ و رێخوشكه‌ر و هاریكابویه مادی . مه‌عنه‌وی بو بده‌ستڤه‌ئینانا سه‌دان و هزاره‌هان كورسیێن خاندنا بلند ل ده‌رڤه‌ئ وه‌ڵاتی.
٧/هه‌روه‌سا د پروسێسا ئاشتیێ دا ل باكورێ كوردستانێ ده‌وره‌كێ كاریگه‌ر هه‌بوویه دگه‌ل سه‌رۆك بارزانی و مام جه‌لالی دا بو بده‌ستڤه‌ئینانا مافێن گه‌لێ مه ل باكور برێكێن ئاشتیێ و روه‌ستاندنا ئوپه‌راسیونا توركیا ب شێوه‌یه‌كێ فه‌رمی ژلایێ توركیا ل حه‌فته‌نین و ناڤچێن ده‌وروبه‌ر و هه‌لكرنا چریسكه‌كا ئاشتیێ دوباره ل توركیا.
٧/دابینكرنا پشته‌ڤانیا نێڤ ده‌وله‌تی بو كوردێن رۆژئاڤا و نیشاندانا سیاسه‌تا راست و درۆست و سه‌رده‌مانه ژبلی چه‌ندین هاریكاریێن مڕۆڤی و ته‌ندرۆستی.
دوماهیێ دبێژم : نێچیرڤان بارزانی ئه‌و قوتابخانه‌یه یا كه‌سایه‌تی و سیاسیێن سه‌رده‌مانه دروست دكه‌تن و هاوكێشێن هێزێ دروستدكه‌تن بێ خوین رێشتن و ئێكه‌مین سیاسه‌تمه‌دارێ كورده د هاوكێشێن نیڤ ده‌وله‌تی و هه‌رێمی دا ب باشی تێدگه‌هیتن و ب قازانجا گه‌لێ خوه هاوكێشێ بده‌ستڤه دئینیتن
ن: به‌روار نوری .
