په‌یڤا چاكسازی دهێته گوتن ل هه‌ر وه‌ڵاته‌كێ كۆ سێكته‌رێن وێ تۆشی گه‌نده‌لیێ بووینه, د بنیاتدا گه‌نده‌ڵی بابه‌ته‌كێ رێژه‌ییه ئانكۆ دبیت گه‌نده‌لی ل هه می وه‌ڵاتان هه‌بیتن به‌لێ رێژا وێ ژ جهه‌كی بۆ جهه‌كێ دی جۆدایه
هه‌ر وه‌ڵاته‌كێ گه‌نده‌لی تێدا بویه دیارده بێ گومان ئه‌و وه‌ڵاته كه‌تیه بن غه‌زه‌با قه‌یرانا و خه‌لكێ وێ توشی هه‌ژاریێ بویه و وه‌ڵات ژ خزمه‌تگۆزاری و پێشكه‌فتنێ بێ پاربویه, سیسته‌مێ سیاسی به‌ڕه‌ڤ ده‌سه‌ڵاتا تاكره‌ویێ دچیت.
گه‌نده‌لی دیارده یه‌كا به‌ربه‌لاڤه دشیاندایه بكه‌ڤیته ناڤ هه‌می سێكته‌رێن ده‌ۆله‌تێ ئه‌گه‌ر ده‌سه‌لاته‌كا هشیارو چاڤدێرنه‌بیتن و یاسا سزای نه‌هێته بجهئینان گه‌نده‌لی ومیتوتدێن وێ مینا دزی و ره‌شوه و خراپ بكارئینانا ده‌سه‌لاتێ وزێده بكارئینانا مالێ گشتی بو كارێن كه‌سۆكی و ده‌ست بسه‌رداگرتنا ماڵێ گشتی ونه‌پێگریكرن ب ده‌مێ كاری ,, بابه‌تێ گه نده‌ڵیێ بابه‌ته‌كێ به‌رفره‌هه له‌وما زاڵبۆن لسه‌ڕ گه‌نده‌ڵیێ كاره‌كێ هه‌مه‌لایی یه ,
هه‌تا ده‌رمانێ ڤی ده‌ردی بزانین دڤێت بزانین فاكته‌رێن دڕۆست بۆنا ڤی ده‌ردی(گه‌نده‌ڵی)ێ چنه دا بزانین ده‌ڕمان دێ چبیتن مینا فاكته‌رێ نه‌بۆنا هۆشمه‌ندیا جڤاكی(وعي المجتمع) د ماف و ئه‌ركێ خودا به‌رامبه‌ر ده‌سه‌ڵاتا سیاسی هه‌روه‌سا كارتێكرنا ره‌وشت و تیتالێن جڤاكی,ئه‌م دشێن بێژین ده‌سه‌ڵاته‌كا گه‌نده‌ڵ ژ ره‌نگڤه‌دانا ملله‌ته‌كێ نڤستی و بێ هوشمه‌نه‌نده چونكی زۆڕیا كادر ۆ به‌رپرسێن ده‌سه‌ڵاتێ كۆرێن وی ملله‌تێ نڤستی نه, هه‌روه‌كی سه‌ڕۆكێ حكۆمه‌تێ ئاماژه پێكری و فه‌رمووی چ كه‌س نابن گه نده‌ڵ هه‌كه ملله‌ت پشته‌ڤانه‌بیتن,هه‌ڕوه‌سا فاكته‌رێ نه‌ئاڕامیا سیاسی ژی گرنگترین فاكته‌ر و رێخۆشكه‌ره بو خورتكرنا میتۆدێن گه‌نده‌لیێ كۆ ژ ئه‌نجامێ نه‌بوونا حه‌زه‌كا سیاسی یا كردار دناڤبه‌را پارتێن سیاسی و ده‌سه‌ڵاتا سیاسی ب هه‌رسێ ده‌سه‌ڵاتێن خوڤه تایبه‌ت ئه‌گه‌ر ده‌سه‌ڵاتا دادوه‌ڕی سه‌ربخۆ و ئه‌كتیڤ نه بیتن داخازكارێ گشتی ب درۆستی بكارێ خونه‌رابیت دیسان فاكته‌رێ ئابۆری تایبه‌ت ل ده‌مێ وه‌ڵات تۆشی ئاسته‌نگ و قه‌یران و شه‌ران دبیت ل وی ده‌می پێتڤیێن ژیانێ زه‌حمه‌ت دكه‌ڤن و خه‌لك په‌نایێ دبه‌نه‌به‌ر گه‌نده‌لیێ چ بوارێ ئابۆری یان كارگێری بێ گومان ئه‌و ده‌سه‌ڵاتاخودان دادی و بهێزوخودان پڕۆژێ ریفۆرمێ بیت ده‌رگه‌هێ گه نده‌لیێ ڤه‌بونا وی زه‌حمه‌ته, وه پێتڤیه ژبیرنه‌كه‌ین فاكته‌رێ ئاینی كاریگه‌ریه‌كا زۆرا هه‌ی ل وه‌ڵاتێن ئیسڵامی تایبه‌ت د درۆست نه گه‌هاندنا په‌یاما ئاینی و ڕاگرتنا ده‌رۆنێ مرۆڤی لسه‌ر خرابیێ هه‌تا دوماهیێ خودبینیت مرۆڤه‌كێ گۆنه‌هكار( گه‌نده‌لكار),
هه‌تا سنوره‌ك بۆ گه‌نده‌لیێ دهێت دانان پێتڤیه خه‌لك و ده‌سه‌لات وه‌ك كاره‌كێ نشتیمانی و ره‌وشتی و ئاینی و مرۆڤایه‌تی ده‌ست ب ریفۆرما وژدانی و ئه‌خلاقی بكه‌ن و سێكته‌رێن ده‌وله‌تێ ژڤێ پیساتیێ پاقژبكه‌ن و هه‌می كه‌ناڵێن پێتڤی ئه‌كتیڤ بكه‌ن و ئه‌ڤان فاكته‌رێن سلبی یێن مه لسه‌ری گه‌نگه‌شه‌كرین بهێنه ئیجابی كرنز
هه‌رێم دشه‌ڕێ چاكسازی و گه‌نده‌لیێ دا !!,
دانپێدانا ده‌سه‌لاتێ ب هه‌بۆنا گه‌نده‌لیێ حه‌زا چاكسازیێ بهێزدكه‌ت و كاره‌كێ باش دبینم , ده‌سه‌ڵاتا كوردی د رێڤه‌برنا حكومرانیێ دا كێم ئه‌زموون بویه جونكی كورد به‌رده‌وام د وه‌لاتێ خودا په‌نابه‌ربوینه ژلایێ وان ده‌وله‌تێن كۆلۆنیالیزمی ڤه یێن ئاخا پیرۆز كۆ كۆردستانه داگیركری و ب سیاسه‌تا فیودالی و ملیتاری هاتیه پرۆگرامكرن و رێڤه‌برن كورد كه‌فتینه بن ڤێ باندۆرا سیاسه‌تا سایكولوژیا داگیركه‌ران ده‌رفه‌تا رێڤه‌برنێ لسه‌ر كوردان هاتبو قه‌ده‌غه‌كرن , كورد ژ شوره‌شگێریێ بون ده‌سه‌ڵاتدار وكه‌تنه د ئه‌زمونه‌كا نوی و ساڤا دا د رێڤه‌برنێ دا و كێمیا كه‌سێن خودان باوه‌رنامه ونه‌بونا شاره‌زاییا كارگێری و دبلوماسی و كێمیا هۆشمه‌ندیا جڤاكی و هه‌می فاكته‌رێن مه به‌حسكرین لسه‌ری لده‌ڤ ده‌سه‌لات و جڤاكێ مه دیاربوون دیسا كارتێكرنه‌كا نیگه‌تیڤ لسه‌ر ریێ ده‌سه‌لاتا كۆردی كربو,لێ نابیت بهێجه‌تا ڤان فاكته‌ران شه‌رعیه‌تێ بده‌ین وێ گه‌نده‌لیا هاتیكرن.
یێدی ستووپ گه‌نده‌لی ستووپ ستووپ, !!
حكۆمه‌تا هه‌رێمێ دڤێ كابینێ دا چاكسازی و رێكخستن كریه سیمایێ ڤێ كابینێ و خه‌لك هیڤیا ئه‌نجامێن دلخۆشكه‌ره لێ هه‌تا نۆكه هێشتا ئه‌سمانێ هه‌رێمێ عه‌وڕێن هشكن و خه‌لكی دڤێت سنوره‌ك بو دز و گه‌نده‌لا بهێته دانان وه‌ك خه‌لك دبێژن یاچوی چو یامای بهێته پاراستن و ب دادی بهێته پارڤه‌كرن لسه‌ر ملله‌تێ ماندی نه ناس و ئه‌و جوداهی و نه یه‌كسانیا دناڤبه‌را هه‌ژار و به‌رپرس و پله باڵایان راببیت و دادی جهێ وێ بگریتن تایبه‌ت داخازیێن ده‌سپێكی یێن خه‌لكی بهێنه بجهئینان مینا موچه و سێكته‌رێن ئاڤێ و كاره بێ و ته‌ندرۆستی و په‌روه‌ردێ , چاكسازیكرن پێتڤی ب هه‌وڵێن به‌رده‌وامن هه‌رچه‌ند ئاسته‌نگ زۆڕبن.وه هیڤیدارین چاكسازی شۆڕببتن ناڤ پارتێن سیاسی و ریفۆرمه‌كا ریشه‌یی بهێته ئه‌نجامدان وكه‌سێن گه‌نده‌ل جهێ وان نه مینیت ناف حكۆمه‌ت و پارتان دا .
