هه‌بوونا كه‌سایه‌تیێن دیپلوماسی و كاریزما ل وی ده‌مێ خویا دبه كو بكاره وه‌لات یان ژی گه‌لی خوه ل كریزێن دژوار كو رووبروویێ وه‌لات دبه ده‌رباس بكه ، دناڤا نه‌ته‌وه‌یێ كورد ژی سه‌ركرده و كاریزماێن بهێز هه‌نه وه‌كه رێزدار نێچیرڤان بارزانی كه‌سایه‌تیه‌كێ سه‌ركرده و دیپلوماسی و كاریزمایه دناڤا شورشا نوو یا گه‌لی كورد دا .
ئه‌و یه‌ك خویا كو رێزدار نێچیرڤان بارزانی هه‌ر ب كاریزماییا خوه كارییه نه‌یارێن كوردان بكه دوست ،ئه‌و ژی ل رێیا دیپلوماسیه‌تا خوه ، د نها ده ئه‌گه‌ر به‌حسا كاریزما و دیپلوماسیه‌تا رێزدار نێچیرڤان بارزانی بێ كرن دڤێ كو ب هورگلێ وێ یه‌كێ خویا بكه‌ێن ، ژبه‌ركو ئه‌و یه‌ك راسته راست كارتێكرن ل نه‌یارێن گه‌لێ كورد كرییه ، ژ وان ژی ده‌وله‌تا توركیێ گه‌فێن ئێرش كرنه سه‌ر هه‌رێما كوردستانێ دكر ل سالێن به‌رێ ، لێ د ڤێ ده‌مه‌ی دا رێزدار نێچیرڤان بارزانی دناڤا په‌رله‌مێنتا كوردستانێ په‌ێڤه‌ك پێشكیش كر و دناڤا په‌ێڤا خوه دا ب خال و ئاماره‌كه راست و دروست ئه‌و یه‌ك به‌رچاڤ كر ، ئه‌گه‌ر ده‌وله‌تا توركیێ ئێرشێ ل هه‌مبه‌ری هه‌رێما كوردستانێ پێك بینه ، دێ یه‌كه‌م جار وه‌لاتی توركیێ زرار پێكه‌ڤه ، پشتره دێ زرار ب هه‌ڕیما كوردستانێ بكه‌ڤه .
ب ڤێ په‌ێڤا خوه رێزدار نێچیرڤان بارزانی80% بریارا ده‌وله‌تا توركیێ ل هه‌مبه‌ر هه‌رێما كوردستانێ هاته گوهه‌رتن ، ل نه‌یار بوویه یار . كاریزما دیپلوماسه‌یه‌تا رێزدار نێچیرڤان بارزانی بوویو سه‌ده‌ما گوهه‌رتنا بریارا ده‌وله‌تا توركیێ نه‌ك ته‌نێ گوهه‌رتنا بریاری ، لێ بوویه پێنگاڤه‌ك ژبۆ ڤه‌كرنا ده‌روازه‌كێ نوو ل هه‌مبه‌ر هه‌رێما كوردستانێ ژبۆ جیهانا ده‌رڤه و هه‌تا كوو بوویه دروازه‌كێ باش ژبۆ هكومه‌تا عێراقێ ژی ژبۆ شاندنا پترۆلا خوه ل رێیا ده‌وله‌تا توركیێ ژبۆ بازارێن جێهانێ .
هه‌روه‌ها هكومه‌تا تاران گه‌فێن دژوار ل هه‌رێما كوردستانێ دكرن ل هه‌رفاندنا ئابوری و رێگرتن ل پێشكه‌تنێن هه‌رێما كوردستانێ ، لێ هه‌مبه‌ر مه‌دیایان رێزدار نێچیرڤان بارزانی ئه‌و یه‌ك ئه‌شكه‌را كر كو كومارا ئیسلامییا ئێرانێ بۆ گه‌لی كورد وه‌لاتی دوویێ یه و زمانێ فارسی ژی زمانێ دوویێ یه .
دیپلوماسیه‌تا رێزدار نێچیرڤان بارزانی وه‌ها كاریگه‌ری ل سه‌ر بریارا كومارا ئیسلامییا ئێرانێ كر كو ببه ، بناغه‌كێ باش دناڤبه‌را هه‌رێما كوردستانێ و كومارا ئیسلامییا ئێرانێ كو رۆژ ب رۆژ به‌ر ب پێشدا دچه .
رێزدار نێچیرڤان بارزانی سه‌لماندییه كو ب كاریزماییێ و دیپلوماسیه‌تا ناڤ و بانگییا خوه دناڤا گه‌لێن ده‌ردوور ژی دا ، دل سوزی ل هه‌مبه‌ر كارین وی هه‌به . د ڤان داوێیاندا ل ده‌ما برینا بوجه‌ی هه‌رێما كوردستانێ ژ بال هكومه‌تا عێراقێ و دروست بوونا كریزا ئابوری ل هه‌رێما كوردستانێ و ئالوزیێن دناڤبه‌را هه‌ر دوو ئالییان دا ، رێزدار نێچیرڤان بارزانی كاری وه‌كه كه‌سایه‌تیه‌كێ دیپلوماسی ب سه‌ر پرانییا وان ئاسته‌نگان سه‌ركه‌ڤه كو رووبروویێ هه‌رێما كوردستانێ بوون .
هه‌ر دیسان پشتی خیانه‌تا شازده‌یێ ئوكتوبه‌ری و تێكچوونا ره‌وشا سیاسی و ئابوری یا هه‌رێما كوردستانێ رێزدار نێچیرڤان بارزانی وه‌كه سه‌ركرده‌یه‌كێ دیپلوماسی كاری هه‌رێما كوردستانێ ل وێ كریزا دژوار ده‌رباس بكه و چه‌ندین هه‌ڤدیتن ل ناڤا كوردستانێ ته‌ڤی ئالیین سیاسی و وه‌لاتێن جیهانێ پێكئانین ژبۆ ده‌رباسبوون ل وێ كریزا دژوار كو خه‌لكێ كوردستانێ توشی چه‌ندین ئارێشه‌ێن دژوار بوون ، ئه‌ڤ یه‌كه ژی دیپلوماسیه‌تا رێزدار نێچیرڤان بارزانی د سه‌لمینه ، كو كه‌سایه‌تیه‌كێ كاریزما و دیپلوماسی یه .
د نها ژی دا كو ب سه‌رۆكێ هه‌رێما كوردستانێ ب پرانییا ده‌نگان هاتییه هه‌لبژارتن ،چاڤدیرێن سیاسی وه‌ها ته‌خمین دكه‌ن كو ل بن سێبه‌را رێزدار نێچیرڤان بارزانی هه‌رێما كوردستانێ دێ به‌ر ب كوپیتكه‌كا ب ئارام و ئه‌وله‌هـ پێنگاڤا پاڤێژه و رۆژێن گه‌ش چاڤه‌ریێ هه‌رێما كوردستانێ دكه‌ن .
