خالد علی ـ به‌رلین
دده‌مه‌کی کوردستان د ره‌وشه‌کا ناله‌بارا سیاسی و ئابوری دا ده‌رباز دبو ئابلوقا ئابوری ل سه‌ر عێراقێ بو وه‌کو پێتڤیه‌کا سه‌رده‌م و ژبو گه‌هاندنا ده‌نگ و ره‌نگێ کوردستانیان و که‌لتورو شارستانیه‌تا گه‌لێ کوردو نیشاندانا ئه‌زمونا سیاسی یا هه‌رێما کوردستانێ ب جیهانا ژده‌رڤه جه‌نابێ سه‌روک بارزانی دگه‌ل چه‌ند دلسوزان بریارا دامه‌زاراندنا که‌نالێ ئاسمانیێ کوردستان تیڤی دا ل سه‌ر ئاخا هه‌رێما کوردستانێ وه‌کو ئێکه‌م که‌نالێ ئاسمانی هاته تومارکرن سه‌ره‌رای هندێ کو ئێکه‌م ئه‌زمونا تیڤی یا ئه‌سمانی بو ل کوردستانێ و ئینانا ئالڤێن کارکرنێ بزه‌حمه‌ت بو لێ ناڤێ مه‌زنێ وێ وه‌کو کوردستان ده‌سته‌که‌فته‌کێ دیروکی و مه‌زن بو ل هه‌یڤێن ده‌ست کرد بهێته تومارکرن کوردستان تیڤی مینا په‌رله‌مان و حکومه‌تا هه‌رێما کوردستانێ به‌رهه‌مێ خوانا شه‌هیدا و خه‌بات و قوربانی دانا پێشمه‌رگێ قاره‌مان بویه.
کوردستان تیڤی ده‌ریێ خوه ل هه‌مبه‌ر دلسوزێن گه‌ل و حه‌ژێکه‌رێن کارێ راگه‌هاندنێ و خزمه‌تا گه‌ل و وه‌لات ڤه‌کر بده‌هان دلسوزان بباوه‌ری دلسوزی ده‌ست دا کاری هه‌رچه‌نده که‌م و کوری دهه‌ر واره‌کی دا هه‌بون لێ باوه‌ری و دلسوزیا وان شیان بسه‌ر هه‌می ئاسته‌نگان زال ببن و شه‌ڤ و روژان بکه‌نه ئێک ژبو خوه‌شکرنا دلێ بینه‌رێ کورد ژ رویێ سیاسی و کولتوری و هونه‌ری ئابوری هه‌می ره‌نگێن ژیانا مروڤێ کورد درێکا ڤی که‌نالی را بگه‌هینن جیهانێ کوردستان تیڤی ده‌رفه‌ته‌کا مه‌زن بو وه‌کو ئه‌کادیمیه‌کا راگه‌هاندنێ سه‌دان که‌س فێری کارێ روژنامه‌ڤانیێ کرن بونه ده‌رچویێن ڤێ قوتابخانێ و نوکه ل که‌نالێن هه‌ری پێشکه‌فتی کار دکه‌ن کوردستان تیڤی متمانه یا خوه ژ ده‌ست نه‌دا بو جهێ باوه‌ری و رێزا هه‌می ته‌خ و چینێن جڤاکێ کوردو ئالیێن سیاسی هه‌رده‌م به‌رژه‌وه‌ندا نه‌ته‌وه‌و نیشتیمان ل به‌رچاڤ گرتیه و پێش رویدانا نه‌که‌فتیه و ره‌وشا کومه‌لایه‌تی و سیاسی یا هه‌رێما کوردستانێ نه‌کره قوربانێ به‌رژه‌وه‌ندیێن خوه ئه‌ڤ چه‌نده ژی بویه جهێ دلخوه‌شیا بینه‌ران و هه‌می ئه‌و که‌سێن لڤی که‌نالی کارکرین خوه سه‌ربلند دزانن چونکه لڤی که‌نالی فێری راگه‌هاند و نه‌ته‌وه‌پارێزێی بوینه بیست سالێن خه‌بات و کارکرنێ دوارێ گه‌هاندنا په‌یاما راست و درست دا کوردستان تیڤی شیایه باوه‌ریا خوه بپارێزیت و به‌رده‌وامیێ بکاروانێ روژنامه‌ڤانیا کوردی بده‌ت کوردستان تیڤی دسه‌ر هه‌می ئاسته‌نگان دا و کێم هاریکاریێ دا به‌رده‌وام بویه بتایبه‌تی دماوێ سێ سالێن شه‌رێ تیرورستێن داعش دا ببو خودیکا دیتنا هزرا نه‌ته‌وه‌یی و گه‌هاندنا په‌یامێن سه‌رکه‌فتنا پێشمه‌رگێن قاره‌مان ل سه‌نگه‌رێن به‌ره‌ڤانیێ ده‌نگێ رسته‌قینه‌یێ گه‌لێ کورد بویه
ئه‌زمون و چالاکیێن حکومه‌تێ دخزمه‌تا وه‌لات دا به‌لاڤ کرینه به‌رژه‌وه‌ندا بالایا گه‌ل ره‌چاو کریه ژلایێ قوربانیێن ده‌ستێ تیرورێ ڤه کوردستان تیڤی زورترین قوربانی داینه چه‌ندین کارمه‌ندێن وێ شه‌هید بوینه کوردستان تیڤی دچه‌ندین قوناغێن جدا یێن خه‌باتا روژنامه‌ڤانی ده‌رباز بویه خودانا ده‌هان کادرێن دلسوزه هه‌تا نوکه به‌رده‌وامه ل سه‌ر به‌لاڤکرنا راست و باوه‌ریێ دناڤا هاولاتیان دا ل ژ ده‌رڤه‌ی وه‌لاتی ژ هه‌رده‌م دینه‌مویه‌ک بویه ژ بو گه‌هاندنا ده‌نگێ ره‌ڤه‌ندا کوردو به‌شداریا ده‌هان کوربه‌ندو چالاکیێن جوراو جور ل گور ئیمکانێن هه‌ین شیایه ببیته که‌نالێ کوردستانیان بێی جیاوازی کوردستان تیڤی ل خوه‌شی و نه‌خوه‌شیان دگه‌ل گه‌لێ خوه‌دا بویه ژبو گه‌هاندنا ده‌نگ و ره‌نگێ وان دهه‌ر واره‌کی دا. دوباره سالیادا کوردستان تیتی پیروزه ل هه‌می هه‌ڤکارو کارمه‌ندو رێڤه‌به‌رو دلسوزو بینه‌رێن خۆشتڤی هه‌می وان که‌سێن دڤی که‌نالی دا کارکری هه‌ر به‌رده‌وام بیت که‌نالێ دایک بڤی ناڤێ پیروز.
