كۆمپانیای بارتنێر هێنڵی تایبەتمەند لە ئاستەكانی نیشتەجێبوون و پلانی هاووڵاتینامە، ڕیزبەندی ساڵانەی 2018ی بۆ پاسپۆرتی وڵاتانی جیهان بڵاوكردەوە، كه تێیدا عێراق بە خاوەنی خراپترین پاسپۆرت دێت و ئەڵمانیاش خاوەنی باشترین پاسپۆرتە له جیهاندا.
هەڵگرانی پاسپۆرتی ئەڵمانی دەتوانن بەبێ ڤیزا سەردانی 177 وڵاتی جیهان بكەن. هەروەها سەنگافورە به دووەم هات ، كه هاووڵاتیانی بەبێ ڤیزە سەردانی 176 وڵاتی جیهان دەكەن. دواتر هەریەك لە دانیمارك، فینلاند، فەرەنسا، ئیتاڵیا، ژاپۆن، نەرویج، سوید و بەریتانیا لە ریزبەندی سێیەم دێن و بەبێ ڤیزا سەردانی 175 وڵاتی جیهان دەكەن.
لەسەر ئاستی وڵاتانی عەرەبیشدا، ئیمارات باشترین پاسپۆرتی هەیە و هاووڵاتیانی دەتوانن سەردانی 133 وڵاتی جیهان بكەن بەبێ ڤیزا. كوێت دووەم و قەتەر سێیەمە. سۆماڵ نۆزەمین وڵاتی ریزبەندیە لەسەر ئاستی عەرەبی، سووریاش بیستەمینە و عێراقیش لە كۆتایی دێت بە ژمارە بیست و یەكەمین.
کۆمێنت (0)
تا ئێستا هیچ کۆمێنتێک نەکراوە.