وەزارەتی سامانە سروشتییەكانی هەرێمی كوردستان زانیاری لەبارەی هێرشەكەی ئەمشەو بۆ سەر كێڵگەی غازی كۆڕمۆر لە سنووری چەمچەماڵ بڵاو كردەوە و رایگەیاند كە هێرشەكە هیچ زیانێكی بە كێڵگەی غازی كۆڕمۆر نەگەیاندووە.
وەزارەتەكە لە روونكردنەوەكەدا دەڵێت "کاتژمێر 7:05ی ئێوارەی ئەمڕۆ یەكشەممە هێرشێكی درۆنی كرایە سەر كێڵگەی غازی كۆڕمۆر".
راشیگەیاند " هێرشەكە هیچ زیانێكی بە كێڵگەکە و کۆمپانیای دانە غاز نەگەیاندووە".
هەروەها رایگەیاند "بەرهەمهێنانی غاز لە کێڵگەی کۆڕمۆر ئاساییە و پەستانی غاز بۆ وێستگەكانی بەرهەمهێنانی كارەبا تا ئێستا ئاساییە".
وەزارەتی سامانە سروشتییەكان ئاماژەی بەوەش دا كە ئێستا هەڵسەنگاندن بۆ زیانە مادییەکانی هێرشەکە دەكرێت.
کۆمێنت (0)
تا ئێستا هیچ کۆمێنتێک نەکراوە.