ئێوارەی ئەمڕۆ یەکشەمە 2021.5.30، ئومێد خۆشناو، پارێزگاری هەولێر، لە فرۆکەخانەی نێودەوڵەتی هەولێر، پێشوازی لە ئەسعەد عێدانی، پارێزگاری بەسرە و ئاراس حەبیب محەمەد فەیلی، ئەندامی ئەنجومەنی نوێنەرانی عێراق کرد.
لەدیدارەکەدا، پارێزگاری هەولێر، وێڕای بەخێرهێنانی گەرمی پارێزگاری بەسرە و شاندی یاوەری، خۆشحاڵی خۆی بەسەردانەکەیان بۆ هەولێری پایتەخت نیشاندا و تەئکیدی لە پتەوکردنی پەیوەندییەکان و هه‌ماهه‌نگی و هاوکاری نێوان هەردوو پارێزگا کردەوە.
لەلایەن خۆیەوە پارێزگاری بەسرە، سوپاسی پارێزگاری هەولێریکرد بۆ ئەو پێشوازییە گەرمەی کەلێیکرا و ئامادەیی خۆشی بۆ هەر هاوکاری و هەماهەنگییەک لەگەڵ پارێزگای هەولێر نیشاندا.
کۆمێنت (0)
تا ئێستا هیچ کۆمێنتێک نەکراوە.