Îro li Pîrmamê Serok Mesûd Barzanî pêşwaziya şandeke Parlementoya Nowejê kir ku ji Parlmenterên Norwejê yên ji Partiya Kar ya Norwejî Esmond Ukrust û Manî Huseynî pêkhatibûn.
Di hevdîtinê de şanda Parlemena Norwejê armanca serdana xwe ya Herêma Kurdistanê xistinrû û behsa wê rolê kirin ku welatê wan li şerê dijî terorê û her wiha karubarên hilgirtina mîn(mayin) li navçeyên Kurdistanê û yarmetîdana rêxistinên nehikûmiyên Herêma Kurdistanê kirine. Şanda mîhvan tekez li ser dostayetî û peywendiya di navbera gelê Norwej û gelê Kurdistanê kir û ragihand welatê wan piştevaniyê li aramiya Herêma Kurdistanê dike.
Her di vê hevdîtinê de Serok Barzanî spasiya gel û Hikûmeta Norwejê kir ku li şerê terorîstan da yarmetiya hêzên Pêşmergeyên Kurdistanê dane û roleke ber bi çav ya Hikûmeta Norwejê li yarmetîdana aliyên peywendîdarên Herêma Kurdistanê ya ji bo hilgirtina mînan li Kurdistanê de bilind nirxand.
Rewşa siyasiya Iraq û navçeyê û peywendiyên di navbera Hikûmeta Herêma Kurdistanê û Hikûmeta Iraqa Federal û her wiha hilbijartina Parlemena Kurdistanê li cotmeha bê mijareke dinê vê hevdîtinê bûn.
komênte (0)
heta niha komênt nehatiye nivîsandin