Serokê herêmê û balyozê Nemsayê civiyan

Behsa têkiliyên Nemsayê yên li gel Îraq û Kurdistanê hate kirin.

Îro şemî Serokê herêma Kurdistanê Nêçîrvan Barzanî pêşwaziya balyozê Nemsayê yê li Îraqê Andrea Nasi kir.

Di civînê de giftûgo derbarê têkiliyên Nemsayê yên li gel Îraq û herêma Kurdistanê û bihêztir kirina têkiliyên han hate kirin.

Her di vê civînê de behsa serdana dawî ya Serokê herêma Kurdistanê bo Nemsayê û civîn û hevdîtinên wî yên li gel rayedarên Nemsayê jî hate kirin.

Rewşa giştî ya Îraq û herêma Kurdistanê, têkiliyên navbera Hewlêr û Bexdayê û pêşhatên dawî yên li deverê mijarên din yên vê civînê bûn.