Serokê herêmê û balyozê Brîtanyayê civiyan

Behsa rewşa navxweyî ya Kurdistanê hate kirin.

Îro li Hewlêrê Serokê herêma Kurdistanê Nêçîrvan Barzanî pêwşaziya balyozê Brîtanyayê yê li Îraqê Stephen Hitchen kir û di civînê de giftûgo derbarê hilbijartinên parlementoya Kurdistanê, rewşa navxweyî ya herêma Kurdistanê û têkiliyên navbera Hewlêr û Bexdayê hate kirin.

Di civînê de her du alî tekez li ser girîngiya hilbijartinan kir û behsa hesas bûna rewşa heyî û girîngiya çareser kirina kêşe û nakokiyên navbera aliyên siyasî kir bo rûbirû bûna astengiyan û li ser vê yekê ku, lazime kêşeyên navbera Hewlêr û Bexdayê bi diyalogê û li ser esasê destûrê werin çareserkirin hemfikir bûn.

Pêşhatên dawî yên rewşa deverê û çend babetên din yên cîhê girîngiya hevbeş bo her du aliyan, mijarên din yên vê civînê bûn.