Pentagon: 66 leşkerên me bi sivêkî birîndar bûne

Dibêje 78 car êrîşî ser hêzên Amerîkî hatiye kirin.

Wezareta berevanî ya Amerîkayê ragihand ku, ji 7ê Cotmehê ve heta 8ê vê mehê li Îraq û Sûriyeyê bi giştî 78 car komên çekdar yên ser bi Îranê êrîşî ser hêzên Amerîkî kirine.

Di daxuyaniya wezareta berevanî ya Amerîkayê de hatiye diyarkirin ku, di encama wan êrîşan de herî kêm 66 leşkerên Amerîkî bi sivêkî birîndar bûne.

Ji aliyeke din ve duhê şev jî li Bexdayê êrîşî ser balyozxaneya Amerîkayê û hêzên leşkerî yên Amerîkayê yên li Îraqê hatibû kirin.

Pentagon herwiha tekez li ser vê yekê kiriye ku, ji niha û pêda raste rast bersifa her cure êrîşekê dide.