Hijmara kuştiyan li Îsraîlê zêde bû

Zêdetir ji 700 kesan canê xwe ji dest dane.

Çapemeniya Îsraîlî li ser zarê rayedarên vê welatî belav kiriye ku, hijmara wan welatiyên Îsraîlî yên ku, jiber êrîşên Hemas û komên din yên çekdar canê xwe ji dest daye gehêştiye 700 welatî û zêdetir ji 2 hezar welatiyên din jî birîndar bûne.

Ji aliyeke din ve jêderên tendirostî yên Felestînî jî ragihandine ku, di encama êrîş û bordimanên Îsraîlê de li Xezeyê heta niha nêzî 400 kes hatine kuştin û gelek kes jî birîndar bûne.

Ev roja sêyeme ku, pevçûn di navbera Îsraîl û Felestîniyan de berdewame û Serokwezîrê Îsraîlê duhê bi fermî fermana şer îmze kir û daxwaz ji xelkê Xezeyê kir vê deverê vala bike jiber ku, vê dever bi temamî were wêrankirin.