Îraq komîteyeke taybet ava dike

Taybete bi hawirde kirina gazê ji welatên din.

Wezareta elektirîkê ya Îraqê daxuyaniyek belav kiriye û ragihandiye ku, hikûmet û wezaret berdewamin li ser hewlên xwe yên bo kêm kirina hawirde kirina gazê ji Îranê û dabîn kirina gaza pêwîst bo dabîn kirina elektirîka Îraqê.

Di daxuyaniya han de hatiye eşkere kirin ku, hikûmet biryara ava kirina komîteyeke taybet daye û karê vê komîteya han lêkolîn û hewldan dibe bo hawirde kirina gaz bo Îraqê ji her du welatên Qeter û Tirkmenistanê.

Biryare ev komîte di demeke nêz de piştî lêkolînên seretayî, dest bi danûstandinên xwe yên li gel aliyên Qeterî û Tirkmenistanî bike.

Weke tê zanîn Îran jiber deyinên xwe car car henardeya gazê bo Îraqê kêm dike û ev yek jî dibe sedema çê bûna kêşeyên mezin di prosesa dabîn kirina lektirîkê li Îraqê de lewre Îraq dixwaze xwe bigehîne astek ku, pêdiviya xwe bi gaza Îranê nemîne.