Amerîka: Hîn jî şerê dijî DIŞIê bi dawî nebûye

Balyoza Amerîka behsa naveroka peywendiya telefûnî ya Serokwezîrê Îraqê û wezîrê berevanî yê Amerîkayê dike.

Balyoza Amerîkayê ya li Îraqê Alina Romanuski derbarê peywendiya telefûnî ya di navbera Serokwezîrê Îraqê û wezîrê berevanî yê Amerîkayê de ragihand ku, di vê peywendiya han ya telefûnî de her du alî behsa têkiliyên navbera Amerîka û Îraqê û herwiha girîngiya mayîna hêzên Amerîkî yên li Îraqê kirine.

Alina Romanuski tekez li ser vê yekê kiriye ku, hem Amerîka û him jî Îraq di vê baweriyê dene ku, mayîna hêzên Amerîkî li Îraqê pêdiviyeke girîng ya Îraqê ye jiber ku, her du welat baş dizanin ku, hîn jî şerê dijî DIŞIê bi dawî nehate û eger di warê leşkerî û ewlekarî de sistî hebe vê dîsa DIŞIê bihêz bibe.