Ciwanekî Kurd bi eşkence hate qetil kirin

Li Tehran ji aliyê hêzên rejîmê ve hatiye qetilkirin.

Li gor nûçeyeke navenda mafê mirovan ya Hengavê, êvara roja duşem li girtîgeha Tehranê ciwanekî Kurd xelkê bajarê Hersînê li parêzgeha Kirmaşan ya li Rojhilatê Kurdistanê bi eşkence kirinê ji aliyê hêzên rejîmê ve hatiye qetilkirin.

Ev ciwanê han ku, navê wî Saman Derwêşiye, temena wî 31 sale û beriya salekê jî dîsa hatibû girtin.

Saman êvara duşemê li girtîgeha Fîşaviye ya li Tehranê bi eşkence kirinê hatiye kuştin.