Serokê Herêma Kurdistanê Nêçîrvan Barzanî, îro çarşemê li Hewlêrê, ligel Rêvebera Giştî ya rêxistina Neteweyên Yekgirtî ya Karûbarên Perwerde, Zanist û Rewşenbîrî (UNESCO) xatûn Audrey Azoulay civiya.
Di civînê de behsa kar û çalakiyên Unesco li Herêma Kurdistan û Iraqê kir û balkişand li ser wan cîhên Herêma Kurdistanê ku, şûnewarên dîrokî û kevnar lê hene.
Projeya nûjenkirina Kela Hewlêrê ya dêrîn, mijareke dinê civînê bû û di wê hevdîtinê de xanim Azoulay balkişand li ser pêngav û qonaxên projeyê û spas û pêzanînên xwe ji bo alîkarî û hemahengiya aliyên peywendîdar yên Herêma Kurdistanê nîşan da ku, alîkarî û hevahengiyê bi tevahî li Unesco ra dikin.
Nêçîrvan Barzanî, ji aliyê xwe ve, kar û çalakiyên Unesco li Iraq û Herêma Kurdistanê bilind nirxand û piştevaniya aliyên peywendîdar yên Herêma Kurdistanê ji bo projeyên wan dûpat kir.
komênte (0)
heta niha komênt nehatiye nivîsandin