Beşar Esed serdana Misirê dike

Hin aliyên Erebî hewl bo vegerandina Sûriyeyê bo nava komkara Erebî didin.

Peyvdarê wezareta derve ya Misirê Ehmed Ebûzêd ragihand ku, di civîna navbera wezîrê derve yê Misirê û Serokê Sûriyeyê Beşar Esed de behsa serdana Beşar Esed bo Qahêreyê nehatiye kirin lê tenê behsa têkiliyên dîrokî yên di navbera wan du welatan û çawetiya bihêztir kirina wan têkiliyan hatiye kirin.

Ehmed Ebûzêd herwiha eşkere kiriye ku, rixmî nîqaş nekirin li ser serdana Esed bo Qahêreyê, li her gav mimkune Esed serdana Qahêreyê bike û di warê dîplomatîkî de bûyerên wisa çê dibin.

Ji aliyeke din ve duhê şandeke parlementoya Îraqê jî serdana Dîmeşqê kiribû û li gel Esed civiya bû û beriya çend rojan jî Esed serdana du welatên din yên Erebî jî kiribû û tê gotin ku, hin welatên Erebî hewl bo vê yekê didin daku, Sûriye dîsa vegera nava komkara Erebî.