Li Tenefê êrîşî ser hêzên Amerîkî hatiye kirin

Êrîş bi sê dronan pêk hatiye.

Fermandariya navendî ya Amerîkayê ragihandiye ku, duhê înê danê sibê, bi sê dronên întîharî, êrîşî ser navenda leşkerî ya hêzên Amerîkî ya Tenefê li Rojhilatê Sûriyeyê hatiye kirin.

Fermandariya navendî ya Amerîkayê eşkere kiriye ku, du ji wan dronan ji aliyê hêzên Amerîkî ve beriya ku, bigehêjin navendê hatine xistin û yek ji dronan jî li cîheke nêzî navenda leşkerî ketiye erdê.

Di berdewamiya daxuyaniyê de hatiye diyarkirin ku, hêzên Amerîkî rastî ti zirareke canî û madî nehatine.