Serok Barzanî pîrozbayî li karmendên Kurdistantv dike

Ev 24 sale hatiye damezrandin.

Bi minasebeta 24 saliya damezrandina Kurdistantv (dezgeha setelayta Kurdistan) peyameke pîrozbayî pêşkêş kir ku, ev jî tekesta vê peyamê ye;

Bi navê xwedê mezin

Bo birêzan Serpereştiyar, borda birêvebirin û tevahiya karmendên hêja yên dezgeha setelayta Kurdistanê

Bi minasebeta 24 saliya damezrandina Kurdistantv pîrozbayiyeke gerim pêşkêşî we dikim û hêviya berdewamî û serkeftinê bo we dixwazim di erkê xwe yê pîroz de ku, xizmet kirine bi dîrok, çand û civaka Kurdistanê.

Cîhê kêfxweşiyê ye ku, Kurdistantv her di roja yekem ya kar kirina xwe de bi bawerî û rastgûyî erkên xwe cîhbicîh kiriye û bûye cîhê baweriya bîneran û welatiyan û herwiha bûye pirek bo têkiliyên di navbera xelkê Kurdistan û derve de.

Lazime Kurdistantv bi enerjî û coşeke zêdetir berdewam be li ser pêbend bûn bi çanda Kurdatî, nîştimanperwerî û bihevre jiyanê di bin rûnakiya rêbaza Barzaniyê nemir de.

Ev bendewarî ji dezgeha setelayta Kurdistanê heye ku, hertim minbera tevahiya Xebatkar, welatî û pêkhateyên Kurdistanê be û bi awayeke goncaw girîngî bi dîroka xebata xelkê Kurdistanê, niha û pêşroja gelê me be.

Hêviya serkeftinê bo we dixwazim

Mesûd Barzanî

17/1/2023