Serokê Herêma Kurdistanê Nêçîrvan Barzanî pêşwaziya Berpirsê Karûbarên Rojhilata Navîn li Wezareta Derve ya Almanya birêz Tobias Tunkel û şanda pê ra kir ku ji Balyozê Almanyayê li Bexdayê û Konsulusê giştî yê Almanya li Herêma Kurdistanê amade bûn.
Di civînekê da têkeliyên Almanya digel Iraq û Herêma Kurdistanê, rewşa navçeyê bi giştî, pêwendiyên Hewlêr û Bexdayê, têkiliyên Iraq û Herêma Kurdistanê digel welatên cîran hatin gotûbêjkirin.
Serokê herêma Kurdistanê Nêçîrvan Barzanî spasiya alîkariyên leşkerî û mirovî yên Almanyayê bo Herêma Kurdistanê di şerê dijî terorîstan de kir û behsa serdana xwe ya vê dawiyê ya bo Bexdayê û hevdîtinên xwe yên digel mezne berpirsên Iraqê kir.
Berpirsê beşê Rojhilata Navîn û Bakûrê Efrîqayê li wezareta derve ya Almanyayê Tobias Tunkel ji Serokê Herêma Kurdistanê ra behsa armanc û bernameya serdana xwe ya bo Herêma Kurdistanê û navçeyê kir û xwesteka welatê xwe ji bo berdewamiya hevkarî û piştevaniya Iraq û Herêma Kurdistanê û çareserkirina pirsgirêkên hêlawestiyên navbera Hewlêr û Bexdayê nîşan da.
Rewşa ewlekarî ya deverê bi giştî, rewşa koçber û penaberan û dabînkirina şert û mercên ku bikaribin bo ser war û cîhên xwe vegerin, û cîbicîkirina rêkeftina Şingalê, aliyekî din ê civînê bûn ku têda tekez li ser berdewamiya alîkariyên mirovî yên almanyayê bo koçberan kirin.
komênte (0)
heta niha komênt nehatiye nivîsandin