Du pêşmerge şehîd bûne

Îran îro êrîşî ser navendên partiyên Kurdî kir.

Hizba demorkata Kurdistan/ Îran yaku bi HDKI jî tê nasîn daxuyaniyek belav kir û ragihand ku, mixabin jiber êrîş û bordimanên îro yên Îranê yên bo ser baregehên wan du pêşmergeyên wan şehîd bûne.

Di daxuyaniyê de hatiye diyarkirin ku navê şehîdan Rêbiwar Ebdî xelkê Seqiz û Aso Tewana xelkê Bûkanin.

Di berdewamiya daxuyaniyê de behsa vê yekê jî hatiye kirin ku, di encama êrîşên han de çend pêşmergeyên din jî birîndar bûne.