PAK rejîma Îranê direwand

Dibêje ev 3 sale ev kesê han ji me cuda bûye.

Piştî ku, rejîm û çapemeniya rejîma Îranê belav kirin ku, qaşo Serkirdeyeke partiya azadiya Kurdistanê ( PAK) bi navê Muslim Şahmoradî ku, bi mebesta organîzekirina çalakiyan çûye nava Îranê, girtine, komîteya çapemeniyê ya PAKê daxuyaniyek bo raya giştî weşand.

Komîteya çapemeniyê ya PAkê diyar kiriye ku, Muslim Şahmoradî ev sê sale têkiliyên xwe li gel PAKê qut kiriye û mixûlî jiyana xwe ya taybetî bûye.

PAK di beşeke din ya daxuyaniya xwe de eşkere kiriye ku, Şahmoradî ku, li başûrê Kurdistanê mişxûlî jiyana xwe ya taybetî bûye, hewl daye bigehêje Tirkiye daku, ji wir jî xwe bigehîne welateke Ewrûpayî lê hatiye girtin û di girtîgehê de jî hatiye eşkencekirin.