Navendeke heşda şebî hate bordiman kirin

Ji aliyê balefirên Tirkiyeyê ve hatiye bordimankirin.

Hin jêderên Îraqî ragihandin ku îro sêşem balefireke dorne ya Tirkiyeyê navendeke çekdarên heşda şebî li parêzgeha Nînovayê bordiman kiriye.

Çapemeniya Îraqê belav kiriye ku îro sêşem balefireke bêpîlot ya Tirkiyeyê li parêzgeha Nînovayê, li gundê Cirûe ya ser bi Başîqê êrîşî ser navendeke çekdarên heşda şebî kiriye.

Her çend heta niha ne Tirkiye û ne jî Îraq bi fermî ti daxuyanî nedane, lê tê gotin ku Tirkiye weke bersifdana êrîşên ser navenda leşkerî ya Tirkiyeyê ya li Başîkê ev êrîş pêk aniye.

Derbarê zirarên êrîşê de heta niha ti zaniyarî nehatine belavkirin.