Tirkiye amadekariyên operasiyonên nû dike

Civata leşkerî ya herêma Cizîre dibêje Tirkiye amadekariyên xwe dike.

Civata leşkerî ya herêma Cizîre ragihand ku li gel mişxûl bûna raya giştî ya cîhanê bi şerê navbera Rûsye û Ukraynayê re, Tirkiye bo operasiyonên nû li Bakûr û Rojhilatê Sûriyeyê dest bi amadekariyên leşkerî kiriye.

Li gor civata leşkerî ya herêma Cizîre, artêşa Tirkiyeyê bo ku operasiyonên nû li deverê de lidar bixe, dest bi amadekariyên pêwîst kiriye û rojane artêşa Tirkiye û komên cîhadî yên ser bi Tirkiyeyê bo topxaneyên xwe, gundewarên devera Zirgan û Til Temerê topbaran dikin.