Rêzdariya Papayê gehande rayedarên Kurdistanê.
Îro Serokwezîrê Kurdistanê Mesrûr Barzanî li gel balyozê Vatîkanê yê li Îraqê civiya û piştî civînê jî li ser hesabê xwe yê fermî derbarê naveroka civînê de wisa nivîsand;
Îro çarşem 28 Nîsana 2021an me pêşwaziya balyozê Vatîkanê yê li Îraqê Metia Lescovar kir.
Di civînê de balyozê Vatîkanê rêzdariya Papaya Vatîkanê jiber serxistina serdana wî y abo herêma Kurdistanê, parastin, û mêwandarî kirina mesîhiyan, aware û penaberan û tevahiya kesên ku jiber tirsa zordariyê û bindestiyê berê xwe dane herêma Kurdistanê gehande me.
Di civînê de pêbendbûna hikûmeta herêma Kurdistanê bo pere pêdan û bihêztir kirina çanda bihevre jiyana aştiyane û olî û etnîkî li herêma Kurdistanê de diyar kir û serdana Papayê jî bo Îraq û herêma Kurdistanê bi serdaneke dîrokî wesif kir û me daxwaz kirk u bibe sedema pere pêdana zêdetir ya çanda lêbûrîn û bihevre jiyana aştiyane di navbera pêkhateyên cuda yên Îraqê de.
Di mijareke din ya civînê de me giftûgo derbarê têkiliyên navbera herêma Kurdistan û hikûmeta fedralî û girîngiya cîhbicîh kirina proje qanûna bûdceya fedralî û şandina şayisteyên darayî yên herêma Kurdistanê bi zûtirîn dem kir.
Herwiha rewşa deşta Nînowayê û deverên Kurdistanî yên derveya îdareya herêmê hate nirxandin û me tekez li ser normal kirina rewşa wan deveran û cîhbicîh kirina madeya 140 ya destûra fedralî kir.
N: E. G
komênte (0)
heta niha komênt nehatiye nivîsandin