Wezîrê derve yê Qeterê gehêşte Hewlêrê

Li balefirxaneyê ji aliyê rayedarên Kurdistanê ve hate pêşwazîkirin.

Îro danê êwarê wezîrê derve û Cîgirê Serokwezîrê Qeterê Mihemed bin Ebdulrehman Alsanî gehêşte Hewlêrê û li balefirxaneya naventewî ya Hewlêrê ji aliyê Cîgirê Serokê herêma Kurdistanê Şêx Cefer Şêx Mistefa û Serokê Dîwana Serokatiya Kurdistanê ve hate pêşwazîkirin.

Biryare Cîgirê Serokwezîr û wezîrê derve yê Qeterê li gel Serokê herêma Kurdistanê û Serokwezîrê herêma Kurdistanê bicive.

Weke tê zanîn Mihemed bin Ebdulrehman îro danê sibê li Bexdayê bû û piştî bi dawî anîna civîn û hevdîtinên xwe yên li gel rayedarên Îraqê, serdana Kurdistanê jî kir.

N: E. G