Nêçîrvan Barzanî pîrozbayî li Mesîhiyan dike

Hêviya cejneke baş û aram bo tevahiya wan dixwaze.

Bi minasebeta salvegera ji dayikbûna Hezretê Îsa Mesîh û sersala nû ya Mesîhiyan Serokê herêma Kurdistanê peyameke pîrozbayî pêşkêş kir ku ev jî tekesta vê ye;

Bîranîna ji dayikbûna Hezretî Mesîh “Silavên xwedê lê be” li xuşk û birayên Mesîhî yên li herêma Kurdistanê, Iraq û tevahiya cîhanê bi germî pîroz dikim.

Cejn û pişûyekî xweş û aram ji bo wan dixwazim. Hêvîdarim ev cejin tebayî, aştî, lêborîn û hevdû qebûlkirina zêdetir li Iraq, navçeyê û cîhanê, ji bo tevahiya mirovayetiyê li gel xwe de bîne.

Mixabin îsal li herêma Kurdistanê jî wekî hemû cîhanê ji ber Kovid – 19 ve, merasîm û ahengên mezin yên cejnê nayên organîzekirin, lê belê bîranîna ji dayikbûna Hezretî Mesîh bi rûmetê ve li dilê hemûyan de vedike û bilind tê ragirtin. Hêvîdarim bîranîn û cejnên me yên paşerojê li rewşên baştir da bigêrîn.

Di vê salvegera pîroz de dûpat dikin ku herêma Kurdistanê wekî herdem bi landika tebayî û firehî û pêkvejiyanê hemû pêkhatên wê û bi mal û niştimana xuşk û birayên Mesîhî jî dimîne. Em hemû pêkve bi tebayî, yekrêzî, xweragirî û qurbanîdanê, me rojên dijwar û kêşe û qeyranên berê birêkiriye, bi heman awayî ev rewşa dijwar û pejik û qeyranan jî derbasdikîn û paşerojeke baştir çaverêya meye.

Welatiyên Mesîhî piştrast dikîn ku berdewam dibîn û hemû hewl û şiyanek didîn bo ku navçeyên wan yê ziyanberketiyên li şerê dijî terorê da avadan bikîn û şûnewarên şer li ser wan de nemîne, heta koçberên wan bikarin vegerin û aramî, jiyan, piştrastî û geşbûnê li gel xwe da bibin, careke din koçber nebin û hemû mafên wan parastî bê.

Cejna ji dayikbûna Mesîh û sala nû ya zayînî li hemûyan pîroz bê, hemû salek bi xweşî be.

Serokê Herêma Kurdistanê

Nêçîrvan Barzanî

24.12.2020