Kargeha Rîsaklîn ya li Silêmanî dest bi kar kir

Hikûmeta herêma Kurdistanê bo parastina jîngeh û paqêj kirina jîngehê bernameyeke taybet daniye û di çarçoveya vê bernameya han de çend projeyên giring hatine amade û cîhbicîhkirin.

Yek ji wan projeyên hikûmetê yên bo parastin û paqêj hêştina jîngehê, ji nav birina çop (zibil, gilêş) ye û bo vê mebesta biryar hatiye dayîn ku li her bajareke Kurdistanê kargeheke ji nav birin û dubare bikar anîna gilêşan were damezrandin.

Di çarçoveya vê projeya hikûmetê de yekem kargeha ji nav birina gilêş û bikar anîna paşmayiyên gilêşê di warên din de, îro li Silêmanî bi awayeke fermî dest bi kar kir.

Ev kargeh niha bi awakî ezmûnî (cerbandin) kar dike û biryare di demeke nêz de bi fermî karên xwe destpê bike û gilêşên bajêr li xwe kom bike.

N: E. G