Balefirên Tirkiyeyê devera Sîdekanê bordiman kirin

Jêderên ji deverê ragihandin ku kêliyek beriya niha balefirên şer yên Tirkiyeyê jiber hebûna pêgehên gerîlayên PKKê dîsa dest bi bordiman kirina sozanên ser bi devera Sîdekanê kirine.

Jêder behsa vê yekê kirin ku zozanên devera Sinîn ya ser bi Sîdekanê ve ji aliyê balefirên Tirkiyeyê ve têne bordimankirin.

Heta niha derbarê zirarên bordimanê de ti zaniyarî nehatine bidestxistin.

Weke tê zanîn duhê jî li devera Mawetê balefirên Tirkiyeyê derdorê gundê Sefire bordiman kiribûn û di encam de 5 gerîlayên PKKê canê xwe ji dest dabûn û nexweşxaneya gundê Sefire jî hatibû wêrankirin.

N: E. G