Di meha Temûzê de li Sûriyê 887 sivîl hatin kuştin

 Çavdêrxaneya Mafên Mirovan ya Li Sûriyê, ragihand ku di meha Temûzê de 887 kesên sivîl hatine kuştin.

Li gorî nûçeyeke PeyamaKurdê li Sûriyê di êrîşên hewayî yên Rûsyayê de 6 sivîl, di êrîşên IŞÎDê de 85 sivîl, di êrîşên koalîsyonê de 10 sivîl, di êrîşên çekdarên muxalif de 9 sivîl, di êrîşên Heyet Et-Tahrîr’ul Şamê de 2 sivîl û di êrîşên ku kiyar nediyar de jî 79 sivîl hatine kuştin.

Li gorî raporê 547 kes jî bi îşkenceyê hatiye kuştin. Ji Adara 2011an heta Tebaxa 2018an 13 hezar û 692 sivîl bi îşkenceyê hatine kuştin.

Di dawiya raporê de bang li hemî aliyan hate kirin ku sivîlan biparêzin û kesên ku dibe sebeba kuştina sivîlan wê were darizandin.